umorismo libri biblioteche librerie barzellette comicitÓ risoterapia comicoterapia tradizione lingua veneta
Editrice Scantabauchi
edizioni scantabauchi

LE RIFLESSIONI DE WALTER BASSO...


Riflessioni del 03/05/2009

INTE GIORNALE ME PIASARIA LEZARE...


Finalmente el Stato Talian coi so solerti governanti ga pensÓ ben de aplicare la famosa lege dela "Par Conicio" sul comercio comerciale. E cussý dopo aver scrito robe orende e terificanti sui pacheti dele sigarete fasÚndoghe ciapare dei tremassi boja a na onesta categoria de vissiosi (i fumadori) eco altre inportanti scrite sui altri prodoti che pol fare male: sui giornaleti onti se cata scrito: "Atento... le pipe fa deventare gobi e orbi" opure: "Fermo co le man, porseo che no sei altro!"... sui sedili dei aparechi tronegia la scrita: "Se te caschi i ze menbri maschili amari!"... sui alcolici invesse ze sentensiÓ: "La cirosi epatica te speta dopo sto cicheto!"... Anca sui treni se cata ste perle: "Fare testamento prima de viajare in treno ze segno de rara inteligensa!"... "Tien la carta d'identitÓ in boca: se te mori intel prossimo deraliamento almanco savemo chi che te sý"... Pare che anca sui anbulatori mÚdeghi sia obligatoria la scrita: "Ric˛rdate che el mÚdego ga pi¨ clienti nel'AldelÓ che nel'AldequÓ!"... Dulcis in findus sula casse da morto sarÓ scrito: "Gheto visto cossa sucede se no se scolta i consili dei medeghi?"

LE RICETE DEL PENSIONATO INPS
A cura del cogo ruspante Neno Smerdacai
Overo come magnare puito sparagnando schei

Býgoli al profumo di fruti di mare

Cossa serve
1 chilo de pasta vansÓ in sorte mista - 2 pignate (una granda una pichenina) - 1 fogo lento - 1 sbrancone di sale grosso - 1 aciuga - 1 s-cioso-limega - 3 teste di sardele - 1/4 di scatoleta di ton - 1 spigoleto di ajo pitone - Aqua (un paro de litrossi)

Esecussione
(grado de dificoltÓ: estremo)

Verzý la cradensa e, dopo aver s-ciafesÓ le mojere ingorde, catŔ fora tuti i modeli de pasta vansÓ nei ultimi do ani. Metý sul fogo na pignatona co un litrosso de aqua e fasý bˇjare... CiapŔ la pasta e sgnacheghela drento de bruto... CusinŔ el tuto a fogo lento (cussý consumŔ manco) par oto ore. TirŔ fora la spalteca otegnua e fasý su na bea bala. Co la bala pastacea ze freda struchea col schiciapatate e otegnarý un bel piaton de bigoloni sucolenti. A parte, overo in un cantone, ciapŔ na teceta, metýghe un poca de aqua co un bel brancon de sale (par via del profumo de mare) e fasý sfritegare na aciuga, un s-cioso (par via dela somejansa co i sgarusoli marini), tre teste de sardele, un quarto de na scatoleta de ton e un spigoleto de ajo. CusinŔ el tuto smissiando co calma... Atenti a no inbriagarve col parfumo... Co el sugheto ze coto su na teciona a parte cusinŔ i býgoli e pena pronti condý fasendo saltare su na farsura el tuto, (tenti duranti i salti de no sgiaventare tuto intel pavimento sen˛ fasý un loamaro)... No stŔ mÚtarghe formajo grana par caritÓ de Dio sen˛ rovinŔ el gusto delicato del mare... Come vin consilio un bianco economico al metanolo purissimo doc.

La preghiera del veneto doc


Caro Dio j¨tame,
dame anca onc˛ el me pan quotidiano, magari pesÓ giusto e col scontrin fiscale, fa sbassare i tassi dei intaressi che la banca me ga prestÓ par farme s¨ la casa... anca se na saeta in uficio archivio no sarýa male. Fa che i sbassa anca el presso dele sigarete e dela bensina sen˛ qua ciapare un cÓncaro deventa un lusso.
CÓvame da torno almanco lĺ80% dei nostri ministri, sti lazaroni, che da na vita me dissagua le finanse o almanco fa che i aumenta le ore de riunion cussý fin che i pÓpara par gnente almanco i stÓ distanti dai nostri portafogli. Liberame anca dai vari maleducati, venditori e maghi che siga e me insulta fin che stago tranquilo a vardare la television. Cata un lavoro in fabrica a tuti queli che ai semafori coi scoati infangÓ me sludra i veri dela mÓchina e crea dei canpi de concentramento par tuti i mone e i ronpimaroni che me sassina la giornata.
Fa che possa lavorare tranquilo, magari vÚrzare na ditarea, sensa che vegna mato par girare par i ufici statali par ass¨mare un aprendista. MÓndaghe un infarto micidiale a tuti i comercialisti, fa sparire par senpre INPS, USL, IVA, ILOR, ICI, 730 e 740 e tuti stĺaltri Istituti che da sempre me spaca i ovi. Abolissi i boli dele mÓchine e fa in modo che tute, e digo TUTE, le assicurassion vada a ramengo suo dopo averme dÓ indrýo tuti i schei che i ne gÓ ciavÓ. Fa entrare prima in cassa integrassion, poĺ in disocupassion a zero euro i dipendenti dele Finanse, Ispetorato del Laoro, Nas.
Provedi anca che tuti i falsi invalidi che ocupa i posti mÚjo deventa invalidi veri al 100% e e se cata tuti ocupÓ a snetare cessi incalcÓ de caca umana e canina sui Mota Gril.
Jutane a tirare la pension qualche ano prima de lassarghe le strasse e fa in modo che la stessa no contribuissa a farme morire de fame. E fa in modo, Signore, co ze la me ora, de farme morire de un colpo, magari de note, distante da prelievi, inpegnative, prenotassion, rissete, tichete, sale de rianimassion, preti portapŔgola che me core drio par onfegarme co lĺojo, camarete morturie, frigoriferi che mantien ôla salma e el sangue fredoö E in ¨ltima tieme distante i inpresari funebri che come lugubri avoltoi, speta che tira lĺ¨ltimo fiÓ par ciavarme quei quatro schei che, dopo na vita de porchi e lavoro, g˛ messo in parte par i fioli.
Signore, te prego, s˛ tra le to man... me racomando... grassie. AMEN


MAILING LISTS - Iscriviti alle mailing lists di Edizioni Scantabauchi:     Oltre le nuvole     Scantabauchi
Inizio pagina